從零到一，探索 Finch Academy 如何利用 AI 為香港創意行業注入新動力。創辦人 Felix Kong 結合法律與教育背景，致力推動生成式 AI 在設計及內容創作的應用，協助本地品牌和創作者打造更高效、具本地特色的創作流程。由品牌故事到視覺風格，以至社交媒體及多媒體內容，Finch Academy 正以 AI 技術重塑香港創意產業的未來。
Felix Kong是Finch Academy的創辦人，他的背景融合了法律及教育，並以推動生成式AI在設計和內容創作上的應用為己任。Finch Academy致力於結合AI與創意，為品牌與創作者提供實用的教學和一站式設計方案，讓他們能夠有效運用AI工具提升內容創作與自動化工作流程。Felix亦積極開發本地化的AI工具平台，旨在將先進的科技與本地創意結合，推動香港創意產業的升級。
採訪內容
係咩啟發你創立 Finch Academy？佢想解決咩問題？
好多本地品牌或者創業者對 AI 好有興趣，但唔知道點開始用落生意上。我哋成立 Finch Academy，就係想做一個橋樑，幫香港人用最貼地、最實用嘅方式，將 AI 融入日常創作、設計同行銷入面，唔再停留喺「AI 好勁，但我唔識玩」嗰個階段。
Finch 點樣同其他 AI 公司區分開？
我哋唔係做平台，也唔係賣工具。我哋重點係「內容 + 創意 + 本地味」，由品牌故事、視覺風格，到 IG、網站、影片等內容，全都用 AI 協作做出嚟。我哋識用 AI，但更識用「香港人嘅語氣」去包裝一件事，唔係抄外國 prompt，而係自己寫一套屬於本地創作人嘅流程。
最有成就感係邊一部分？
最開心係見到客戶由懷疑 AI，到最後同我哋講：「原來真係幫到手，而且做得仲靚過以前請 freelancer。」例如我有幾個 moment 好深刻，例如幫將軍澳警區做 AI 宣傳動畫，成條防騙短片係用 Firefly 生圖、CapCut 製作、再配旁白剪接，兩星期內完成，由無到有。呢種「實用＋靚」就係我哋想帶俾客戶嘅感覺。
由 idea 去 launch，你哋個產品旅程係點？
初期我哋由最簡單開始：試用 ChatGPT、Canva、Stable Diffusion 等工具做實驗，跟住建立自己一套創作流程，例如點樣寫 prompt，點樣配圖，點樣出片。之後再整合到服務流程，變成而家提供畀客戶嘅一站式 AI 創作方案。而家唔止接 job，仲開始幫客戶設計佢哋自己嘅 AI 內容系統，真係做到 scale up。
你覺得 AI 下一個突破係邊度？
一定係 圖、文、聲、片融合落一個介面，再加即時協作功能。例如客戶講一段 brief，AI Agent即時幫佢出一段文字、一張圖、一條片，再可以一齊修改，一 take 過搞掂成個 campaign。以前要幾個崗位做，而家可能一部機 + 一個 Creative Director 就夠。
你認為 AI 仲未做到／解決唔到咩？
人味同決斷力。
AI 識生稿、排版、剪片，但未必識你公司想傳達嘅價值觀、情感。啲位要真係了解品牌定位先捉到。例如同一段文字，點樣用廣東話講得自然又有力，呢啲就唔可以純靠 AI 做。
政府同 AI 公司合作，係咪真係咁重要？
重要。香港對數據安全、內容版權要求高，如果冇清晰規範，好多品牌會唔敢用 AI 去做公開推廣。我哋希望政府可以提供多啲支援，定清楚使用界線，推動本地創科發展。其實 AI 行業發展得健康，對創意、科技、企業都有好處。
未來 1–2 年最有價值嘅技能係邊啲？
Prompt + 品牌語氣控制
AI 圖文影片內容流程整合
自動化設計 + 多平台 output（IG／網站／影片）
創意判斷力 + 懂得點樣用 AI 補自己短板
就算唔識寫 code，只要識得點樣用、點樣整合，同樣有市場價值。
對想入行 AI 嘅人有咩建議？
唔駛等裝備齊晒先開始，最緊要係肯玩。你可以揀自己鍾意嘅題目，例如旅遊、設計、美食、攝影，試吓用 AI 生啲內容出嚟。過程中你會發現自己想學乜，同時會開始諗點樣整合落工作度。慢慢學，唔駛急，一步步嚟，AI 唔係取代你，而係幫你做多啲好嘢。
感謝Felix抽空接受訪問，分享了Finch Academy的創立故事和未來展望。透過這次對話，我們深入了解了AI在創意領域的應用及其潛力，並且看到Finch Academy如何以實用且本地化的方式，幫助品牌與創作者走在AI創意的前沿。期待未來能看到更多由AI驅動的創新成果！再次感謝您的寶貴時間！
想深入了解 Finch Academy 如何用 AI 改變創意世界？立即到訪他們的官方網站，探索更多生成式 AI 的可能性！
-
立即關注 Yess AI 社交平台，獲取最新的 AI 趨勢、技術洞見和專屬活動資訊，加入這場改變未來的旅程！
官方網站 | Instagram | Threads | X | LinkedIn | Facebook
